|
Barbaros sive linguae
Latinae imperitos (proh pudor!) ad Paginam Domesticam
oportet redire]
Romulum
et Remum nutrit lupa
Opportunissime ad has nostras
paginas illius Interretis advenistis. Qui vero simus quidve vobis offeramus
emendum fortasse requiritis. Bono animo este! Omnia brevi patefaciam. Sed
priusquam ad negotium descenderimus, meditemini paulisper quam praeclara,
quam vetere, immo vero, quod caput est, quam eleganti quamque utili lingua inter
nos hoc ipso tempore utamur! Omnium quas quidem noverimus linguarum palmas facillime
possidet lingua Latina, et nunc, hac nostra digitali ut ita dicam aetate,
omnibus fere hominibus licet hunc thesaurum gustare. Pergite, lectores
candidissimi, et hac gaza
plus quam regali totis viribus perfruamini. Sumus doctores linguarum Latinae
et Graecae qui utriusque linguae elegantiam per multos iam annos
studiosissimi excoluimus dum in ludo quodam totius Angliae notissimo
(prohibet gentis nostrae innata quaedam modestia quominus nomen in lucem
deferamus) quaestum facimus. Multos iam annos saepenumero rogati ut versiones
Latinas paremus, sive paucis verbis quibus societas quaedam vel domus notior
sit, sive longioribus voluminibus, quae usui academico suppeditavimus, nunc
tandem constituimus Interreti uti, quo latius nostrarum versionum fama
patefiat. Vix quicquam exstat, quod vel Latine ex Anglica lingua vel Anglice
ex Latina vertere nolimus, nec facile alios inveneritis, qui hoc munus tam
perite tamque vili pretio suscipere velint. Libras Britannicas XII, vel
Dollaras Americanas XXIV, vel Nummos Europaeanos XVI pro quibusque C verbis
vertendis tantum poscimus. Versiones precamur per litteras electronicas ad quintus@latin.fsbusiness.co.uk
mittatis eodemque tempore pretium Quinto solvendum obsecramus ut per Paypal
mittatis. Curate valeatis!
Quo vaditis? Utrum ad
Paginam
Domesticam an ad Copulas Latinas?
|